經驗技術佮科學技術無仝款
經驗技術主要靠人口規模
靠一般農民、工人佇生活中發現、改良
經驗技術嘛會進步，毋過真慢
中國大陸一直是按呢
西方會強是因為科學技術發達
這愛有自然原理的基礎
這愛靠頂層的科學家
科學家欲出現愛有政府鼓勵、栽培
是按怎政府會想欲有科學家？
因為國際競爭
中國大陸這塊土地自從秦國開始大一統了後
就注定無法度出現科學家矣
佮歐洲各國為著生存競爭無仝款
儒家是大一統帝王的選擇
伊對維持大一統有幫助
所以予帝王提來用爾
科舉考彼寡物件毋是為著學術
只是予讀書人有一个做官的希望
猶是維持政權的手段爾
漢人袂比西方人戇
尤其閩浙粵人
只是予大一統制度害死爾