一个人的精神佮志氣
毋是看伊順的時陣
順的時陣逐家攏表現甲真好
較有品的袂表現出驕傲
無品的就喝甲大細聲講家己贏矣
甚至刁工去弄對方
輸的時
才看會出人的志氣
我佇八卦板堅持寫台語遮濟年矣
定定攏有人來亂
我嘛無放棄
因為我知影著的代誌愛繼續做
才袂因為別人無認同就放棄
(^ ▽^ )
免失志
人生本來就起起落落
哪有可能啥物代誌攏會照咱意思行？
佛祖講「無常」
就是因為每一个現象背後攏有真濟原因
這寡原因嘛不管時咧變化
投票的結果是一个現象
這陣是按呢
無代表永遠攏會按呢
這陣放棄
你就真正輸矣
(^ ▽^ )