做歹代誌敢有報應？
其實這是事實問題
有就是有 無就是無
無關咱主觀上欲信無
所以真正值得討論的是：
若(假使)有
咱敢有能力覺察著報應？
按呢一定有各種答案矣
畢竟受著個人條件佮環境互動的結果無仝
逐个人覺悟程度嘛會無仝
所以你會發現
假使真正有報應
無法度覺察著報應閣選擇毋信的人
其實嘛無算無理性
因為伊本來就無能力去相信報應
而且佮相信報應的人來比
伊造業閣受惡報的風險一定較懸
因為上無愛先覺察、知影有報應矣
才會當較有意識佮動力去防止家己造惡業
以上是理性的推論
簡單講：
1.假使無報應
毋信報應的人無食虧
2.假使有報應
毋信報應的人就害矣
就是按呢爾 (≧ω≦)/
毋信報應的人
除非有其他內外力量來約束他做歹
無當伊主觀上認為做歹嘛袂夆處罰時
不排除就會為自身利益來犯罪矣
就算是小利
為著自保
個人會盡量避免佮毋信報應的人傷接近
我會驚 (^ ▽^ )