※ 引述 《AKS8158 (車がほしいです)》 之銘言：
: 標題: [問卦] 鄉民認爲殺人不會下地獄應報應嗎？
: 時間: Tue Jul 8 20:34:32 2025
: 土城雙屍 案
: 偉大PTT 鄉民認爲人死就死了
: 沒有天堂地獄 靈魂
: 在台灣雙屍也不會槍斃
: 犯嫌沒意外 也可以關到死
: 那殺人會有報應嗎？
: 會有什麼報應？
我是信原始/早期佛教的
世尊共咱教
人是色受想行識(五蘊)暫時的集合爾
色：肉體物質
受想行識：心理活動
五蘊不管時咧生滅變化
肉身咧變，所以咱佮嬰仔時已經無仝款矣
心理活動閣較免講
想法一直咧變化
色無我
我無法度命令肉體莫老
受想行識嘛無我
譬論失戀時袂順時感覺無爽快
仝款無法度隨喝停
所以當然嘛無我、無靈魂
無一个永遠不變的、會當控制的我/靈魂存在
轉世是在生時因為貪瞋癡所造的業力佇五蘊崩解了後繼續去輪迴爾
毋是靈魂咧輪
尤其
若共六道輪迴看做是六種心境
譬論餓鬼道對應無限的貪愛
地獄道對瞋恨
按呢因為任何時陣咱攏咧生滅(生死)
嘛不管時攏咧輪迴矣
簡單講
輪迴報應毋是等這生結束才開始
這陣因為無修
看著對方無順我的意
瞋心馬上出現 血壓心跳嘛隨懸起來
身軀就無爽快矣
有的甚至就中風矣
若瞋心大甲誠實控制我去動手矣
不但我著傷的風險隨增加
煞落來就是規工煩惱夆掠著判刑
無就是真正夆掠失去自由矣
人一但面對這寡代誌
心境上就已經佇地獄、餓鬼惡道受苦矣
免講驚來世的報應輪迴
干焦有機會滅這世的苦
就值得修行矣