: 如題
: 如果未來腦神經技術與仿生肉體技術普及
: 可以將人的靈魂意識與身體交換
: 你可以客製化女生的身體與靈魂
: 就像去百貨公司
: 貨架上有著各種靈魂供你選配
: 靈魂來源就是意外往生者的腦神經殘留意識
: 那麼問題來了
: 18歲的肉體，外貌隨便你選擇制定
: 那有一天你想選配靈魂的時候
: 發現其他年紀都缺貨
: 只剩下8歲跟80歲可以選配
: 你會怎麼選？
因為人會驚死
所以在生時若破病
會揣醫生治療
等到欲面對人生終點-死亡
嘛希望會當繼續活落去
只是確實是老甲袂振動矣
所以會希望有一个超越肉體的靈魂會當繼續轉世
全世界大部分的宗教攏是按呢主張
講人死以後有靈魂繼續活咧
這我個人攏尊重
宗教信仰自由
若我是信佛教
我的信仰共我講無靈魂
人只是五蘊暫時的組合爾
毋是永遠存在的
就敢若車仝款
事實上是零件的結合
「車」只是一个名
零件拆開就無車矣
五蘊是色受想行識
色：肉體物質
受想行識：心理活動
五蘊不管時攏咧變化
所以「我」佮「車」仝款
事實上「無我」嘛「無車」
色毋是我 受想行識嘛毋是我
其實無我
差佇講五蘊結合的時會造業
遮的業佇五蘊崩解了後
會根據因果法則繼續佮新的身心結合
閣是新的一世矣
所以無我 而且閣有輪迴
毋是靈魂咧輪迴
是業咧轉世
業毋是固定不變的物件
就敢若昨昏食歹腹肚
今仔日落屎
其實講起來昨昏食歹腹肚的彼个五蘊
佮今仔日落屎的五蘊已經毋是仝一个我矣
只是因為記持相續
所以咱會掠做是仝一个我佇昨昏食歹腹肚才今仔日落屎
若一个人干焦會當維持五分鐘的記持
就袂出現這款誤會矣
伊干焦會奇怪講我這馬哪會落屎？
所以今仔日落屎這个結果
敢是靈魂造成的？
當然毋是 佮靈魂完全無底代
只是有昨昏食歹腹肚這个原因
因果法則咧運作爾
轉世就是按呢
有過去世的五蘊造業
就有未來世的五蘊出現
輪迴是業的因果咧流轉相續爾
修行就是咧修這
目標是欲予家己莫受貪瞋癡影響一直造業
就有機會會當涅槃
免閣輪迴矣