因為彼是古早
古早的人除非是規个庄頭
無就是個人搬去佗位
就學在地語言
第二代開始就已經變在地人矣
真正常
滿族只是政治軍事的王
入來中原了後
干焦皇室家己咧講滿語爾
北京老百姓猶是講家己的北京話
上海蘇州杭州講吳語
廣州講粵語
泉州講泉州話
四川重慶講西南官話
攏無變
是講
若彼當陣有電視廣播
就無仝款矣
規工佇電視播國語-滿語節目
戲劇內面讀書人、大學教授、正義人士角色刁工攏講滿語
鱸鰻、無智識的、三八阿花角色攏予講北京話、粵語、吳語、閩語等等
加上學生自細漢若講漢語就掛狗牌、罰錢
按呢創幾十年以後
逐家就攏改講滿語矣
若共講國語莫閣用滿語矣
改做真正國際語言英語
凡勢伊閣會共你應：
「滿語是我母語！真高級！莫用西洋人的英語！」
(^ ▽^ )