其實這佮我所學習的佛教較無仝款
我學的是原始/早期佛教
重點是緣起、無我
咱人只是各種因素暫時結合的現象爾
這生結束就無矣
無靈魂這款物件
所以轉世毋是靈魂咧轉
是咱在生時
因為無明(無知)的力量
予咱產生各種貪瞋癡佮造業
所以這生結束以後遮的業力會閣繼續去佮新的身心結合
有可能變做人
嘛可能是豬 天人 餓鬼 地獄等等眾生
佮過去世是業的繼承關係
毋是仝一个我矣
破除「我」是佛教足關心的代誌
因為咱誤會有「我」
才會起煩惱
才會輪迴不斷
無論這个「我」號做啥物名
靈魂、真我抑啥
攏佮佛教教義衝突矣
所以你講的轉世
若是講一个人一直保持仝一个精神主體/靈魂
只是換肉體
這我就真正無法度解說矣
同時因為我猶佇學習
所以雖然無法度理解
嘛表示尊重