我是學原始/早期佛教的
就是人講的小乘、上座部
阮無規定出家人愛食菜
毋過干焦會當食三淨肉
而且一寡動物嘛袂使食
譬論狗
所以嘛毋是完全無限制
就我家己的腦補
我發覺漢傳出家人全面食菜
凡勢上符合世尊的本意
看三淨肉的規定就知矣：
無親目看著、聽著人咧(台刂)
嘛確定這肉毋是專工為我準備的
就是三淨肉 會當食
簡單講
毋是因為我夆(台刂)死的
才會使食
這佮佛教基本戒律不殺生
是有合的
佇世尊的時代
出家人逐工愛去佮眾生分
人予你啥就食
袂使揀
所以世尊當然無可能規定袂使食肉
這做袂到
毋過就是因為禁止殺生
所以才會有三淨肉的規定
予比丘袂為著食飯困擾
會當專心修行
對遮的規定
我差不多會當確定
世尊是希望莫殺生佮食肉
所以漢傳佛教既然是出家人家己傳食的
發展到食菜
合理
食菜是為著培養慈悲心
慈悲心嘛有破除「我見」等等效果
所以食菜目的是離欲
若共食菜這件代誌當做是主角
甚至驚去食著肉煞無法度食飯
按呢就佮修行的目標-解脫、煩惱滅盡
顛倒反矣
簡單講
若有條件
像漢傳按呢食菜
我認為完全符合世尊的本意
我這陣嘛開始盡量減少食肉矣
非佛說
參考看覓 (^ ▽^ )