: 照見五蘊皆空 度一切苦厄
: 注釋寫道 五蘊是指｢色、受、想、行、識｣
: 但這又是啥意思？
: 慧根太低了，求開示
這是大乘的《心經》
大乘我無了解
毋敢亂講
毋過‘’五蘊‘’佇我學的原始/早期佛教就有矣
簡單講
色就是肉體遮的物質的部分
受想行識是心理活動
合起來=身心
佇佛教內底
共人看做五蘊的暫時結合
過身五蘊就崩解
無矣
賰五蘊猶結合的時陣所造的業
繼續照因果法則去輪迴矣
五蘊是按怎來的？
是上根本的無明(無知)
去驅動貪瞋癡(三毒)造業
業力閣推動輪迴產生新的五蘊
所以五蘊當然無"我"
色無我 受想行識嘛無我
在生時無"我"
過身以後嘛無靈魂抑是真我
攏無
"我"只是五蘊猶結合時會出現的一款感覺爾
就敢若蠟燭的火燒了真旺
其實根本就是因為有蠟燭(業)才有火
火毋是靈魂抑是啥物主體
有蠟燭才有火 無蠟燭火就熄矣
因果法則
我所學的佛教
認為輪迴的本質是苦
所以目標是愛修甲袂去受著無明佮貪瞋癡控制去造業
然後涅槃 就是完全自由矣
參考看覓