若以我所信仰的佛教來講
本來就無靈魂
咱人只是色、受、想、行、識(五蘊)暫時結合的現象爾
色是色身
是肉體這寡物質的物件
受想行識是心理活動的過程
五蘊結合時會出現"我"的感覺
加上咱有記持 念念相續
予咱掠做真正有一个"我"
然後產生各種苦
無這陣擲一堆嬰仔相照片予你
認會出佗一个是“我“？
早就無仝人矣
閣親像蠟燭點火仝款
火燒遮旺
火敢是靈魂 敢是獨立存在的？
其實無蠟燭(業)就無火矣
所以等人過身 五蘊崩解
啥物"我"的感覺攏無矣
賰在生五蘊猶結合的時所造的業力
繼續按因果法則去輪迴矣
無靈魂 閣有轉世
就是按呢來的
所以是按怎我會相信原始/早期佛教？
因為伊所講的物件譬論無我、無常、苦、緣起等等
免等輪迴
這世就會當去證明矣
參考看覓