: 請問一下
: 被核子彈炸到直接氣化的人
: 是不是因為不管天堂地獄都被炸爛了
: 到最後上不了天堂，下不了地獄
: 魂也沒了
: 達成真正的消失
: 什麼都沒留下
若照我所知影的佛教
仝款會輪迴
咱攏知影“心“
其實心流是一个接一个
瞬間生滅的
心的生滅時間有偌短？
根據《阿毗達摩論》
佇一秒鐘抑目一(目聶)的時間
就有上萬億个"心識剎那"生滅矣
平常時心以"有分心"的型
若水咧流
來維持咱的心識
一拄著狀況譬論目睭看著妹仔
"有分心"就會隨變做"意門轉向心“佮足濟接續的心
落尾“速行心"連紲出現7个
了後轉做“彼所緣心“生滅
又閣回復“有分心"矣
人欲往生的時因為心力變弱矣
速行心干焦會出現5个(袂造業矣)
而且"彼所緣心"有可能袂閣生起
有當時是"有分心"接這世上尾一个"速行心"出現
煞落來
這生最後一个心-死亡心就生起矣
死亡心滅盡的時
“結生心“嘛隨佇新的一世生起
是新一世的頭一个心
滅盡以後“有分心“再度出現
來維持新一世的心識
回到題目
若是核爆瞬間就往生
伊真有可能袂親像一般往生仝款
會出現臨死心
無彼个時間機會
毋過"死亡心"一定會出現
而且輪迴的方向會直接照重業、慣行業(平常時造業的習慣)的影響來排
會直接跳過臨死業的影響
所以平常時做善事真重要
若一直保持善心
除非有特殊狀況
無臨死心一般來講會受慣行業的影響
較袂歪去變往生惡道
參考看覓