你是查埔
你敢會希望咱國家的軍隊足強？
希望警察對歹人較無客氣？
其實查某人愛89嘛仝款意思
人本來就是愛暴力
有安全感
你當然袂愛別人對你使用暴力
這定著是按呢
若對別人使用咧？
對敵人對歹人使用咧？
你一定愛甲欲死
所以人攏仝款
攏愛暴力
差佇講書讀愈濟愈捌事理
愈免靠暴力解決問題爾
親像有的人伊袂佮你正面衝突
免
伊有真濟方法來對付你
毋過這無影響人愛暴力這个本質
印象中
89佮一般人主要差咧佗？
講話大細聲、衝碰、磕袂著欲輸贏
就是使用暴力
所以年紀愈細的查某囡仔
猶無需要為著錢煩惱
就會愈愛生做緣投的、看起來足歹的
等大漢知影錢歹趁矣
抑是交過89而且夆蹔過矣
就算伊心肝內猶是愛這型的
嘛較袂閣去交89矣