※ 引述 《herex (魔導戰士破壞者)》 之銘言：
: 標題: [問卦] 是誰規定佛教要吃素的？
: 時間: Sun Oct 27 07:36:42 2024
: 　
: 　
: 安安如題
: 　
: 世尊本人好像從來沒說過佛教要吃素
: 　
: 他自己都有什麼吃什麼
: 　
: 只說不能為了想吃肉去殺害動物
: 　
: 那我今天去買了別人為了賺錢殺的動物的肉來吃 我應該無罪吧
: 　
: 啊不能吃素到底誰規定流傳下來的？
: 　
: 是龍樹菩薩還是空海之類的？
: 　
: 有卦？
: 　
我本身是信原始佛教
讀阿含經
就是大乘講的小乘
就我所知的佛教
食肉的規定是按呢：
不見殺
無親目睭看著動物被殺
不聞殺
無聽著殺動物的聲
不為我殺
無懷疑這肉是為著我(台刂)的
符合這條件就是「三淨肉」
比丘會當食
另外
閣有特別規定袂使食的肉
譬論講象、馬、狗、人的肉等等
佛祖教的是「不殺生」
所強調是培養慈悲心
所以五戒的第一戒就是不殺生
是按怎不殺生
閣允准比丘食三淨肉？
因為彼當陣
怹逐工攏愛去佮在家人討物件食
無可能特別去揀欲食啥
所以佛祖特別允准
上無你莫去食明知影是專工為你(台刂)的肉
你若有看著聽著抑是懷疑因為你才(台刂)的肉
就莫食矣
因為這等於是你害著眾生死亡矣
所以佛陀一方面重視內心的清淨和慈悲心的培養
嘛考慮著現實問題
予比丘袂講連食飯攏困難
而且若真正欲講
種稻仔抑種菜
過程中嘛會去(台刂)著眾生
怹嘛是因為你而死亡
行路嘛仝款
塗跤遐濟蟲仔狗蟻
你哪有可能攏袂去踏著？
所以事實上
佛祖要求咱的是「盡量」
大原則就是不殺生
其他的你就正常生活
「盡量」莫去傷害人佮動物
尤其刁工的閣較免講矣
其實
平平是傷害著人抑動物
你是無細膩的佮你是惡意刁工的
動機無仝你的心當然無仝
所造的業一定嘛無仝矣
這應該真簡單了解
結論：
佛祖所教的重點是內心的清淨和慈悲心的培養
毋是外在的飲食方式
飲食真重要
閣較重要的是內心修行
一个人若會當真正培養慈悲心
自然會盡量選擇莫傷害其他眾生的飲食方式
嘛避免造業
除了三淨肉佮禁止的肉類的規定
其他是我家己的理解
非佛說
參考看覓